ಜಾತಕ ಹೊಂದಾಣಿಕೆ

ಜಾತಕ ತುಲನೆ ಎಂದರೆ ಏನು?ಗುಣ ಹೊಂದಾಣಿಕೆ ಹೇಗೆ ಆಗುತ್ತದೆ? ಇತ್ಯಾದಿ ಪ್ರಶ್ನೆಗಳ ಉತ್ತರವನ್ನು ತಾವು ಸ್ವತಃ ಕಂಡುಕೊಳ್ಳುವ ದೃಷ್ಟಿಯಿಂದ ಜಾತಕ ತುಲನೆಯ ಸಂದರ್ಭದಲ್ಲಿ ಸಾಮಾನ್ಯವಾಗಿ ಬಳಸಲಾಗುವ ಶಬ್ದಗಳ ಪಟ್ಟಿಯನ್ನು ಸಂಗ್ರಹಿಸಿ ಶಬ್ದಾವಳಿಯನ್ನು ತಯಾರಿಸಿದ್ದೇವೆ. ಇತರ ಶಬ್ದಗಳಿಗೆ ತಾವು ಜ್ಯೋತಿಷ್ಯ ಶಬ್ದಾವಳಿ ಲಿಂಕ್‌ನ್ನು ಕ್ಲಿಕ್ ಮಾಡಬೇಕಾಗುತ್ತದೆ.
 

ಗುಣ ಮಿಲನ- ಭಾರತೀಯ ಜ್ಯೋತಿಷ್ಯ ಶಾಸ್ತ್ರದಲ್ಲಿ ಸಂಭಾವ್ಯ ವಧು-ವರರ ಗುಣ ಹೊಂದಾಣಿಕೆಯನ್ನು ನಕ್ಷತ್ರ ಮತ್ತು ಅದರ ಚರಣದ ಆಧಾರವನ್ನು ಅವಲಂಬಿಸಿ ಮಾಡಲಾಗುತ್ತದೆ. ಈ ಮಾನದಂಡವನ್ನು ಗುಣವೆಂದು ಕರೆಯಲಾಗುತ್ತಿದ್ದು ಅದು 36 ಅಂಕಗಳದ್ದಾಗಿರುತ್ತದೆ, ಅದನ್ನು ಎಂಟು ವಿಭಿನ್ನ ಮಾನದಂಡವಾಗಿ ವಿಭಜನೆ ಮಾಡಲಾಗಿದೆ.ಇದರ ಕ್ರಮ ಈ ಪ್ರಕಾರವಾಗಿದೆ-

ಯಾವ ಕ್ರಮದಲ್ಲಿ ಈ ಮಾನದಂಡವನ್ನು ಇಲ್ಲಿ ನೀಡಲಾಗಿದೆಯೋ, ಇದೇ ಕ್ರಮದಲ್ಲಿ ಉತ್ತರೋತ್ತರ ಇದರ ಅಂಕಗಳು ಹೊಂದಾಣಿಕೆಯಾಗುತ್ತದೆ. ಅರ್ಥಾತ್, ಎರಡು ವ್ಯಕ್ತಿಗಳಲ್ಲಿ ಪರಸ್ಪರ ವರ್ಣ ಹೊಂದಾಣಿಕೆಯಾಯಿತೆಂದರೆ ಕನಿಷ್ಟ 1 ಅಂಕ ದೊರೆಯುತ್ತದೆ ಮತ್ತು ಪರಸ್ಪರ ಹೊಂದಾಣಿಕೆಯಾಗದಿದ್ದರೆ ಅತ್ಯಧಿಕ 8 ಅಂಕಗಳು ದೊರೆಯುತ್ತದೆ. ಈ ಪ್ರಕಾರ ಉತ್ತರೋತ್ತರ ವರ್ಣದಲ್ಲಿ ವಷ್ಯ ಬಲಾಢ್ಯವಾಗಿದ್ದರೆ, ವಷ್ಯನಿಂದ ತಾರಾ,ತಾರಾನಿಂದ ಯೋನಿ, ಮತ್ತು ಅಂತಿಮ ರೂಪದಲ್ಲಿ ನಾಕೆ ಮಿಲನಕ್ಕೆ ಹೆಚ್ಚು ಮಹತ್ವ ನೀಡಲಾಗುತ್ತದೆ.

ವರ್ಣ- ವರ್ಣದ ನೇರ ಅರ್ಥ ಜಾತಿ ಎಂದಾಗುತ್ತದೆ. ಸಮಸ್ತ ವರ್ಣ ಜಾತಿಯನ್ನು 4 ವರ್ಣಗಳನ್ನಾಗಿ ವಿಭಜನೆ ಮಾಡಲಾಗಿದೆ

1. ಬ್ರಾಹ್ಮಣ
2. ಕ್ಷತ್ರಿಯ
3. ವೈಶ್ಯ
4. ಶೂದ್ರ
5.  

ಈ ನಾಲ್ಕು ವರ್ಣ ಸತ,ರಜತ,ರಾಜಸತಾಮಸ ಮತ್ತು ತಾಮಸ ಎಂಬುದಾಗಿದೆ. ಪ್ರಾಚೀನ ಋಷಿ ಪರಂಪರೆಯಿಂದ ಹಿಡಿದು ಇಂದಿನವರೆಗೆ ಬ್ರಾಹ್ಮಣ ವೇದವಿದ್ಯೆ ಹಾಗು ಬುದ್ದಿಯ ಪ್ರತೀಕನಾಗಿದ್ದರೆ, ಕ್ಷತ್ರಿಯ ಶೂರ ಮತ್ತು ವೀರತೆಯ, ವೈಶ್ಯ ವ್ಯವಸಾಯದ ಮತ್ತು ಶೂದ್ರ ಕೃಷಿ ಮತ್ತು ಸೇವೆ ಮತ್ತಿತರ ಕಾರ್ಯಗಳ ಪ್ರತೀಕವೆಂದು ತಿಳಿಯಲಾಗಿದೆ.ಇದರ ಹೊಂದಾಣಿಕೆಯಿಂದ ಅತ್ಯಧಿಕ ಒಂದು ಅಂಕ ಪ್ರಾಪ್ತವಾಗುತ್ತದೆ.

ವಷ್ಯ ವಿಚಾರ- ಸಮಸ್ತ ಸಂಸಾರದ ಚರಾಚರ ಜೀವಗಳನ್ನು ಐದು ವಶ್ಯಗಳನ್ನಾಗಿ ವಿಭಜನೆ ಮಾಡಲಾಗಿದೆ-

1. ಚತುಷ್ಪದ
2. ನರ
3. ಜಲಚರ
4. ವನಚರ
5. ಕೀಟ
6.  

ಮೇಷ ರಾಶಿಯ ಪೂರ್ಣ, ಧನು ರಾಶಿಯ ಉತ್ತರಾರ್ಧ, ಮಕರದ ಪೂರ್ವಾರ್ಧ,ವೃಷಭ ರಾಶಿಯ ಪೂರ್ಣ ಇದನ್ನು ಒಂದು ಚತುಷ್ಪದದ ಸಂಜ್ಞೆ ಎಂದು ಹೇಳಲಾಗಿದೆ. ಪೂರ್ಣ ಸಿಂಹರಾಶಿಯನ್ನು ವನಚರ ಸಂಜ್ಞೆ ಹಾಗು ವೃಶ್ಚಿಕ ರಾಶಿ ಕೀಟ ಸಂಜ್ಞೆಯಾಗಿದೆ. ಧನುವಿನ ಪೂರ್ವಾರ್ಧ, ಮಿಥುನ,ಕನ್ಯಾ ಹಾಗು ತುಲಾ ನರ ಸಂಜ್ಞೆಯಾಗಿದೆ. ಕರ್ಕ,ಕುಂಭ,ಮೀನ ಮತ್ತು ಮಕರ ರಾಶಿಯ ಉತ್ತರಾರ್ಧ ಇವೆಲ್ಲಾ ಜಲಜರ ಸಂಜ್ಞೆಯಾಗಿದೆ. ಇವೆಲ್ಲವುಗಳ ಹೊಂದಾಣಿಕೆಯಿಂದ ಅತ್ಯಧಿಕ 2 ಅಂಕ ಪ್ರಾಪ್ತವಾಗುತ್ತದೆ.

ತಾರಾ ವಿಚಾರ- ತಾರಾ ಇದರ ನೇರ ಸಂಬಂಧ ವರ ಕನ್ಯೆಯ ಜನ್ಮಕಾಲೀನ ನಕ್ಷತ್ರದ ಜೊತೆ ಇದೆ. ಕನ್ಯೆಯ ಜನ್ಮ ನಕ್ಷತ್ರದಿಂದ ವರನ ನಕ್ಷತ್ರದವರೆಗೆ ಲೆಕ್ಕಿಸಿ, ಅದೇ ಪ್ರಕಾರ ವರನ ಜನ್ಮ ನಕ್ಷತ್ರದಿಂದ ಕನ್ಯೆಯ ನಕ್ಷತ್ರದವರೆಗೆ ಲೆಕ್ಕಿಸಿ, ಯಾವ ಸಂಖ್ಯೆ ಬಂದಿತೋ ಅದನ್ನು 9 ರಿಂದ ಬೇರೆ ಬೇರೆ ಭಾಗಿಸಿ. ಶೇಷ ಉಳಿದ ಸಂಖ್ಯೆಯನ್ನು ತಾರಾ ಎಂದು ಹೇಳಲಾಗುತ್ತದೆ. ಒಂದು ಪಕ್ಷ 3 ಅಥವಾ 7 ಅಂಕವೇನಾದರೂ ಶೇಷವಾಗಿದ್ದಲ್ಲಿ ತಾರೆಯನ್ನು ಅಶುಭ ಎಂದು ಭಾವಿಸಲಾಗುತ್ತದೆ. ಉಳಿದ ಶೇಷ ಸಂಖ್ಯೆಗಳಿದ್ದರೆ ಶುಭ ಎಂದು ಭಾವಿಸಲಾಗುತ್ತದೆ. ಸ್ತ್ರೀ ಮತ್ತು ಪುರುಷರಿಬ್ಬರ ತಾರೆ ಶುಭ ಮತ್ತು ಅಶುಭವಿದ್ದರೆ ಅವರ ಗುಣ 1, ಇಬ್ಬರ ತಾರೆ ಶುಭವಿದ್ದರೆ ಅವರ ಗುಣ 3, ಒರ್ವರ ಒಳ್ಳೆಯ ಹಾಗು ಒಬ್ಬರ ನಷ್ಟವಾಗಿದ್ದರೆ 2 ಗುಣ ಸಿಗುತ್ತದೆ. ಇಬ್ಬರ ತಾರೆಯೂ ಅಶುಭವಿದ್ದರೆ ಸೊನ್ನೆ ಗುಣವೆಂದು ಭಾವಿಸಬೇಕು. ಇದರ ಹೊಂದಾಣಿಕೆಯಿಂದ ಅತ್ಯಧಿಕ 3 ಅಂಕ ಪ್ರಾಪ್ತವಾಗುತ್ತದೆ.

ಯೋನಿ ವಿಚಾರ- ಮನುಷ್ಯ ಜಾತಿಯಲ್ಲಿ ಪುರುಷ,ಸ್ತ್ರೀ ಮತ್ತು ನಪುಂಸಕವೆಂಬ ಮೂರು ಯೋನಿಗಳನ್ನು ಭಾವಿಸಲಾಗಿದ್ದರೂ ಸಹ, ಭಾರತೀಯ ಪುರಾತಕರು ಸಮಗ್ರ ಮಾನವ ಜಾತಿಯನ್ನು 14 ಯೋನಿಗಳಾಗಿ ವಿಭಾಜಿಸಿದ್ದಾರೆ. ಈ ಯೋನಿಗಳು ಪ್ರಚ್ಚನ್ನವಾಗಿದೆ. ಈ ಯೋನಿಗಳು 27 ನಕ್ಷತ್ರದ ಆಧಾರದಲ್ಲಿ ಸ್ಥಾಪಿತವಾಗಿವೆ.ಇದರಲ್ಲಿ ಅಭಿಜಿತ್ ನಕ್ಷತ್ರವನ್ನೂ ಸಹ ಸೇರ್ಪಡೆಗೊಳಿಸಲಾಗಿದೆ. ಇವೆಲ್ಲರ ಹೊಂದಾಣಿಕೆಯಿಂದ ಅತ್ಯಧಿಕ 4 ಅಂಕಗಳು ಪ್ರಾಪ್ತವಾಗುತ್ತವೆ.

ಕನ್ಯಾವರರ ವಿವಾಹವನ್ನು ನಿಶ್ಚಯಮಾಡುವ ಮೊದಲು ಅವರ ಜಾತಕಗಳು ಹೊಂದಾಣಿಕೆಯಾಗುತ್ತಿವೆಯೇ ಎಂಬುದನ್ನು ಪರಿಶೀಲಿಸುವುದು ಎಲ್ಲಾ ವರ್ಣದವರಲ್ಲಿಯೂ ಸರ್ವೇಸಾಮಾನ್ಯವಾಗಿದೆ.ಕನ್ಯಾವರರ ಜಾತಕಾನುಕೂಲವನ್ನು ದಶಕೂಟ[೧೦ ಕೂಟ]ಗಳನ್ನು ಪರಿಶೀಲಿಸಿ ನಿರ್ಧರಿಸುವುದು ಹೆಚ್ಚಿನ ಪ್ರದೇಶಗಳಲ್ಲಿ ರೂಡಿಯಲ್ಲಿದೆ.ಕೆಲವು ಪ್ರದೇಶಗಳಲ್ಲಿ ಅಷ್ಟ[೮] ಅಥವಾ ದ್ವಾದಶ[೧೨]ಕೂಟಗಳನ್ನು ಪರಿಶೀಲಿಸುವ ಕ್ರಮವಿದೆ.ಮತ್ತೆ ಕೆಲವು ಪ್ರದೇಶಗಳಲ್ಲಿ ೧೫ ಕೂಟಗಳನ್ನು ಪರಿಶೀಲಿಸುವುದೂ ಇದೆ.ಬಹುತೇಕ ದಶ ಕೂಟಗಳನ್ನು ಪರಿಶೀಲಿಸುವುದು ರೂಢಿಯಲ್ಲಿರುವ ಕಾರಣ ಇಲ್ಲಿ ಆ ದಶ ಕೂಟಗಳ ಪರಿಶೀಲನೆಯಲ್ಲಿ ಕಂಡು ಬರಬಹುದಾದ ದೋಷಗಳಿಗೆ ಶಾಸ್ತ್ರಕಾರರು ತಿಳಿಸಿದ ಅಪವಾದಗಳನ್ನು ದಾಖಲಿಸುವ ಬಯಕೆ ನನ್ನದು. ಇವುಗಳ ಆಧಾರದಿಂದ ಜಾತಕಗಳ ಹೊಂದಾಣಿಕೆ ಮಾಡುವುದು ಸತ್ಸಂಪ್ರದಾಯವಾಗಬಹುದು.

೧ ದಿನಕೂಟ:-
           ಸ್ತ್ರೀ ದೀರ್ಘಕೂಟ, ಗಣಕೂಟಗಳು ಶುಭವಾಗಿ ಹೊಂದಾಣಿಕೆಯಾಗುತ್ತಿದ್ದಲ್ಲಿ ದಿನಕೂಟ ಹೊಂದಾಣಿಕೆ ಅಶುಭವಾದರೂ ಭಾದಕವಲ್ಲ.

೨ ಗಣಕೂಟ:-
         [ಅ] ಗ್ರಹ ಮೈತ್ರಿ,ರಾಶಿಕೂಟಗಳು ಹೊಂದಾಣಿಕೆಯಾಗುವುದಾದಲ್ಲಿ ಗಣಕೂಟ ಅಶುಭವಾದರೂ ಭಾದಕವಲ್ಲ.

 ಜನ್ಮ ರಾಶಿಗಳ ಅಧಿಪತಿಗಳಾಗಲೀ,ಜನ್ಮ ರಾಶಿಗಳ ನವಾಂಶಾಧಿಪತಿಗಳಾಗಲೀ ಪರಸ್ಪರ ಮಿತ್ರರಾಗಿದ್ದಲ್ಲಿ ಗಣಕೂಟ ಹೊಂದಾಣಿಕೆಯಾಗದಿದ್ದರೂ ಭಾದಕವಲ್ಲ.

 [ಆ] ಗ್ರಹ ಮೈತ್ರಿ, ರಜ್ಜು, ನಾಡಿ ಕೂಟಗಳು ಶುಭವಾಗಿದ್ದಲ್ಲಿ ಕನ್ಯೆಯದು ರಾಕ್ಷಸ ಗಣವಾಗಿ ವರನದು ಮನುಷ್ಯಗಣವಾದರೂ ದೋಷವಲ್ಲ.

[ಇ] ಸ್ತ್ರೀ ದೀರ್ಘ ಕೂಟವಿದ್ದರೂ, ರಾಶ್ಯಧಿಪತಿ ಕೂಟವಿದ್ದರೂ ಗಣಕೂಟ  ಅಶುಭವಾದರೂ ದೋಷವಲ್ಲ.

[ಈ] ಕನ್ಯಾ ಜನ್ಮ ನಕ್ಷತ್ರದಿಂದ ವರನ ಜನ್ಮ ನಕ್ಷತ್ರವು ೧೪ ನಕ್ಷತ್ರಗಳ ನಂತರವಿದ್ದಲ್ಲಿ ಗಣಕೂಟವು ಅಶುಭವಾದರೂ ಭಾದಕವಿಲ್ಲ.

೩ ಮಾಹೇಂದ್ರ ಕೂಟ:-
                ಗ್ರಹ ಮೈತ್ರಿ. ರಜ್ಜು ಕೂಟಗಳಿದ್ದಲ್ಲಿ ಮಾಹೇಂದ್ರಕೂಟವು ಅಶುಭವಾಗಿದ್ದರೂ ದೋಷವಿಲ್ಲ.

೪ ಸ್ತ್ರೀದೀರ್ಘ ಕೂಟ:-
               ರಾಶಿ ಮತ್ತು ಗ್ರಹಮೈತ್ರಿ ಕೂಟಗಳು ಹೊಂದಾಣಿಕೆಯಾಗುತ್ತಿದ್ದರೆ ಅಥವಾ ರಾಶ್ಯಧಿಪತಿಗಳಿಗೆ ಮೈತ್ರಿಯಿದ್ದಲ್ಲಿ ಯಾ ಕನ್ಯೆಯ ಜನ್ಮ ನಕ್ಷತ್ರದಿಂದ ವರನ ಜನ್ಮ ನಕ್ಷತ್ರವು ೧೩ನೇ ನಕ್ಷತ್ರದ ನಂತರದ ನಕ್ಷತ್ರವಾಗಿದ್ದಲ್ಲಿ ಸ್ತ್ರೀದೀರ್ಘಕೂಟವು ಹೊಂದಾಣಿಕೆಯಾಗದಿದ್ದರೂ ಭಾದಕವಲ್ಲ.

೫ ಯೋನಿ ಕೂಟ:- ರಾಶಿ ಮತ್ತು ವಶ್ಯ ಕೂಟಗಳು ಶುಭವಾಗಿದ್ದಲ್ಲಿ ಯೋನಿಕೂಟವು ಹೊಂದಾಣಿಕೆಯಾಗದಿದ್ದರೂ ಬಾಧಕವಲ್ಲ.

೬ ರಾಶಿಕೂಟ:-
        [ಅ] ಕನ್ಯಾ ವರರ ಜನ್ಮ ನಕ್ಷತ್ರಗಳಿಗೆ ವೇಧೆಯಿಲ್ಲದೆ ಇದ್ದು ರಾಶ್ಯಧಿಪತಿಗಳಿಗೆ ಮೈತ್ರಿ ಯೋಗವಾಗಲೀ, ಏಕರಾಶ್ಯಧಿಪತಿತ್ವವಾಗಲೀ ಇದ್ದು ಆ ರಾಶಿಗಳು ವಶ್ಯವಾಗಿದ್ದಲ್ಲಿ ಷಷ್ಠಾಷ್ಟಕ ದೋಷದ ಭಾದಕವಿಲ್ಲ.

  [ಆ] ರಾಶಿಕೂಟವು ೨-೧೨; ೯-೫; ೬-೮ ಆದರೂ ಕನ್ಯೆಯ ನಕ್ಷತ್ರ ಗಣವು ರಾಕ್ಷಸ ಗಣವಾದರೂ,ಏಕ ರಾಶ್ಯಧಿಪತಿತ್ವವಿದ್ದಲ್ಲಿ ಅಥವಾ ಮೈತ್ರ್ಯಾಧಿಪತಿತ್ವವಿದ್ದಲ್ಲಿ ಕನ್ಯೆಯ ನಕ್ಷತ್ರ ಗಣವು ರಾಕ್ಷಸ ಗಣವಾಗಿದ್ದರೂ ಅಶುಭ ರಾಶಿ ಕೂಟದ ಭಾದಕವಿಲ್ಲ.

  [ಇ] ಮೇಷ-ಕನ್ಯಾ; ತುಲಾ-ಮೀನ;ಧನು-ವೃಷಭ; ಮಿಥುನ-ವೃಶ್ಚಿಕ;ಕುಂಭ-ಕರ್ಕಟಕ;ಸಿಂಹ-ಮಕರ ಇವುಗಳಲ್ಲಿ ವಿಷಮರಾಶಿಯು ಕನ್ಯೆಯದಾಗಿದ್ದರೆ ಷಷ್ಠಾಷ್ಟಕ ದೋಷದ ಭಾದಕವಿಲ್ಲ.ವಿಷಮ ರಾಶಿಯಲ್ಲವಾದರೆ ದೋಷವೆಂದು ಪರಿಗಣಿಸಬಹುದಾಗಿದೆ.

  [ಈ] ಮೀನ-ಮೇಷ;ಕರ್ಕಟಕ-ಸಿಂಹ;ಸಿಂಹ-ಕನ್ಯಾ;ಮಕರ-ಕುಂಭ;ತುಲಾ-ಕನ್ಯಾ;ಧನು-  ವೃಶ್ಚಿಕ;ವೃಷಭ-ಮಿಥುನ ಇವುಗಳು ದ್ವಿದ್ವಾದಶರಾಶಿಗಳಾದಲ್ಲಿ ಶುಭಕೂಟವೆಂದು ಪರಿಗಣಿಸಬೇಕು.

[ಉ]ಕುಂಭ-ಮೀನ;ಮೇಷ-ವೃಷಭ;ಮಿಥುನ-ಕರ್ಕಟಕ;ತುಲಾ-ವೃಶ್ಚಿಕ;ಧನು-ಮಕರ;ಇವುಗಳು ಅಶುಭ ದ್ವಿದ್ವಾದಷ ಕೂಟಗಳಾಗಿವೆ.

 [ಊ]ಮೇಷ-ಸಿಂಹ;ವೃಷಭ-ಕನ್ಯಾ;ಸಿಂಹ-ಧನು;ತುಲಾ-ಕುಂಭ;ವೃಶ್ಚಿಕ-ಮೀನ;ಧನು-ಮೇಷ;  ಮಕರ-ವೃಷಭ;ಇವುಗಳು ೯-೫ನೇ ರಾಶಿಗಳಾಗಿದ್ದರೆ ನವ ಪಂಚಮ ದೋಷವಿಲ್ಲ.

  [ಋ]ಸಿಂಹ-ಮೀನ;ತುಲಾ- ವೃಷಭ;ಕುಂಭ-ಕನ್ಯಾ;ಮೇಷ- ವೃಶ್ಚಿಕ;ಧನು-ಕರ್ಕಾಟಕ;ಇವುಗಳು ೬-೮ನೇ ರಾಶಿಗಳಾಗಿದ್ದಲ್ಲಿ ಶುಭ ಷಷ್ಠಾಷ್ಟ ಕೂಟವೆಂದು ಪರಿಗಣಿಸಬೇಕು.

  [ೠ]ರಾಶಿ,ಗಣ,ರಜ್ಜುಕೂಟಗಳು ಅಶುಭವಾದರೂ,ರಾಶಿಕೂಟವು ಷಷ್ಠಾಷ್ಟಕವಾದರೂ,ಕನ್ಯೆಯ ನಕ್ಷತ್ರಗಣವು ರಾಕ್ಷಸಗಣವಾದರೂ, ಕನ್ಯಾವರರ ರಾಶ್ಯಧಿಪತಿ ಒಬ್ಬನೇ ಆಗಿದ್ದರೆ ಅಥವಾ ರಾಶ್ಯಧಿಪತಿಗಳು ಪರಸ್ಪರ ಮಿತ್ರರಾಗಿದ್ದರೆ ರಾಶಿ ಕೂಟವನ್ನು ಶುಭ ಕೂಟವೆಂದು ಪರಿಗಣಿಸಬೇಕು.

 [ಎ] ರಜ್ಜು; ಸ್ತ್ರೀ ದೀರ್ಘ ಕೂಟಗಳು ಶುಭವಾಗಿದ್ದರೂ ರಾಶಿಕೂಟವು ೨-೧೨[ದ್ವಿದ್ವಾದಶ] ;೯-೫[ನವ ಪಂಚಮ];೬-೮[ಷಷ್ಠ ಅಷ್ಟ] ಆಗಿದ್ದರೂ ಏಕರಾಶ್ಯಧಿಪತಿತ್ವ;ಅಥವಾ ಪರಸ್ಪರ ಮಿತ್ರತ್ವವಿದ್ದಲ್ಲಿ ರಾಶಿ ಕೂಟವು ಶುಭವೆಂದು ಪರಿಗಣಿಸಬೇಕು.

 [ಏ]ರಾಶಿ ಕೂಟವು ೨-೧೨[ದ್ವಿ ದ್ವಾದಶ] ಆಗಿದ್ದರೂ ಕನ್ಯೆಯ ರಾಶಿ ಮೀನಾದಿಯಾಗಿ {ಮೀನ ರಾಶಿಯಿಂದ ಎಣಿಸಲಾಗಿ}ಯುಗ್ಮ{ಸಮ} ರಾಶಿಯಾಗಿದ್ದರೆ ರಾಶಿ ಕೂಟವು ಶುಭವೆಂದು ಪರಿಗಣಿಸಬೇಕು.

 [ಐ] ವಶ್ಯ ಕೂಟ;ದಿನಕೂಟ; ಪರಸ್ಪರ ಮೈತ್ರಿ ಯಾ ಏಕಾಧಿಪತಿತ್ವವಿದ್ದಲ್ಲಿ ೨-೧೨[ದ್ವಿದ್ವಾದಶ];೬-೮[ಷಷ್ಠಾಷ್ಟಕ]೫-೯[ಪಂಚಮ ನವಮ] ರಾಶಿಕೂಟಗಳನ್ನು ಶುಭ ಕೂಟವೆಂದು ಪರಿಗಣಿಸಬೇಕು.

 [ಒ] ವರನ ಜನ್ಮ ರಾಶಿಯು ಸಮರಾಶಿಯಾಗಿದ್ದಲ್ಲಿ ೬-೮[ಷಷ್ಠಾಷ್ಟಕ]ದೋಷವಿಲ್ಲವೆಂದು ಪರಿಗಣಿಸಬೇಕು.

 [ಓ] ಮೇಷ-ಸಿಂಹ;ಕರ್ಕಟಕ-ವೃಶ್ಚಿಕಗಳು ೫-೯[ಪಂಚಮ ನವಮ] ಆದರೂ ಶುಭವೆಂದು ಪರಿಗಣಿಸಬೇಕು.

 [ಔ] ಕನ್ಯಾವರರ ರಾಶಿಗಳು ಪರಸ್ಪರ ಚತುರ್ಥ ದಶಮ[೪-೧೦] ಅಥವಾ ತೃತೀಯ ಏಕಾದಶ[೩-೧೧]ಆದರೂ ಶುಭವೆಂದು ಕೆಲವು ಶಾಸ್ತ್ರಕಾರರ ಅಭಿಮತವಿದೆ.

 ೭ ಗ್ರಹ ಮೈತ್ರಿ ಕೂಟ:-
                 [ಅ] ಸ್ತ್ರೀ ದೀರ್ಘ; ನಾಡಿ; ರಜ್ಜು;ರಾಶಿ ಕೂಟಗಳು ಶುಭವಾಗಿದ್ದಲ್ಲಿ ಗ್ರಹ ಮೈತ್ರಿ ಇಲ್ಲದಿದ್ದರೂ ಭಾಧಕವಲ್ಲ.
 [ಆ]ಸ್ತ್ರೀ ದೀರ್ಘ ಕೂಟವಿದ್ದು, ಕನ್ಯಾವರರ ರಾಶಿಗಳು ಸಮ ಸಪ್ತಕ[೭-೭];ಮತ್ತು ೩-೧೧ ನೇ ರಾಶಿಗಳ ಅಧಿಪತಿಗಳ ಪೈಕಿ ಯಾರಾದರೂ ಒಬ್ಬರು ಮಿತ್ರರಾಗಿದ್ದಲ್ಲಿ, ಮಿತ್ರ-ಶತ್ರು ಸಮವಾಗಿಯೂ, ಸಮ-ಮಿತ್ರವು ಮಿತ್ರವಾಗಿಯೂ ಆಗುವುದರಿಂದ ಗ್ರಹಮೈತ್ರಿ ಕೂಟವನ್ನು ಶುಭವೆಂದು ಪರಿಗಣಿಸಬೇಕು.

 [ಇ]ಕನ್ಯಾವರರ ಜನ್ಮ ರಾಶ್ಯಧಿಪತಿಗಳು ಶತ್ರುಗಳಾಗಿದ್ದರೂ ಕನ್ಯಾವರರ ಚಂದ್ರ ನವಾಂಶಾಧಿಪತಿಗಳು ಬಲಯುಕ್ತರಾಗಿದ್ದು ಅವರಿಗೆ ಮಿತ್ರತ್ವವಿದ್ದಲ್ಲಿ ಗ್ರಹಮೈತ್ರಿಕೂಟವನ್ನು ಶುಭವೆಂದು ಪರಿಗಣಿಸಬೇಕು.

 [ಈ]ಕನ್ಯಾವರರ ಜನ್ಮ ರಾಶ್ಯಧಿಪತಿಗಳಿಗೆ ಮಿತ್ರತ್ವ,ಅಥವಾ ಕನ್ಯಾವರರ ಜನ್ಮ ನಕ್ಷತ್ರ ನವಾಂಶ ರಾಶ್ಯಧಿಪತಿಗಳು ಮಿತ್ರರಾಗಿದ್ದರೂ ಗ್ರಹಮೈತ್ರಿ ಕೂಟ ಶುಭವೆಂದು ಪರಿಗಣಿಸಬೇಕು.

 ೮ ರಜ್ಜು ಕೂಟ:-
               ದಿನಕೂಟ;ಮಾಹೇಂದ್ರಕೂಟ;ರಾಶಿಕೂಟ; ಗ್ರಹಮೈತ್ರಿಕೂಟಗಳು ಶುಭವಾಗಿದ್ದಲ್ಲಿ ಅಶುಭ ರಜ್ಜು ಕೂಟವನ್ನು ದೋಷವೆಂದು ಪರಿಗಣಿಸದೆ ಶುಭವೆಂದು ಪರಿಗಣಿಸಬೇಕು.

 ೯  ನಾಡಿ ಕೂಟ:-

     [ಅ]ಮಾಹೇಂದ್ರ ಕೂಟ, ದಿನ ಕೂಟ, ಯೋನಿಕೂಟ,ಗ್ರಹ ಮೈತ್ರಿ ಕೂಟಗಳು ಶುಭವಾಗಿದ್ದಲ್ಲಿ ಅಶುಭ ನಾಡಿ ಕೂಟವಾಗಿದ್ದರೂ ಶುಭವೆಂದು ಪರಿಗಣಿಸಬೇಕು.

   [ಆ]ಕನ್ಯಾವರರ ಜನ್ಮ ನಕ್ಷತ್ರವು ಏಕರಾಶಿಯಾಗಿ ಭಿನ್ನ ನಕ್ಷತ್ರವಾಗಿದ್ದರೂ,ಅಥವಾ ಒಂದೇ ನಕ್ಷತ್ರವಾವಾಗಿ ಭಿನ್ನರಾಶಿಯಾಗಿದ್ದರೂ ನಾಡಿ ಕೂಟ ದೋಷವಿಲ್ಲ.

 [ಇ] ಕನ್ಯಾವರರ ಜನ್ಮ ನಕ್ಷತ್ರವು ಆದಿ ನಾಡಿಯಾಗಿ ಅಶ್ವಿನಿ,ಆರ್ದ್ರೆ,ಪುನರ್ವಸು,ಉತ್ತರೆ,ಹಸ್ತ,ಜ್ಯೇಷ್ಠ,ಮೂಲ,ಶತಭಿಷೆ,ಪೂರ್ವಾಭದ್ರೆಯಾಗಿದ್ದರೆ;ಹಾಗೆಯೇ ಮಧ್ಯ ನಾಡಿಯ ಭರಣಿ,ಮೃಗಶಿರಾ,ಪುಷ್ಯಾ,ಹುಬ್ಬೆ[ಪೂರ್ವಾ ಪಲ್ಗುಣ],ಚಿತ್ರ, ಅನುರಾಧ,ಪೂರ್ವಾಷಾಢ,ಉತ್ತರಾಭದ್ರೆಯಾಗಿದ್ದರೆ;ಅದರಂತೆಯೇ ಅಂತ್ಯ ನಾಡಿಯ ಕೃತ್ತಿಕಾ,ಆಶ್ಲೇಷಾ,ಮಖಾ[ಮಘಾ],ಸ್ವಾತಿ,ವಿಶಾಖಾ,ಉತ್ತರಾಷಾಢ,ಶ್ರವಣ,ರೇವತಿಯಾಗಿದ್ದರೆ ಏಕನಾಡಿ ದೋಷವಿಲ್ಲ.

 [ಈ] ವಿಶಾಖಾ, ಅನುರಾಧಾ, ಧನಿಷ್ಟ, ರೇವತಿ,ಹಸ್ತ,ಸ್ವಾತಿ,ಆರ್ದ್ರಾ,ಪೂರ್ವಾಭದ್ರಾ -ಈ ಎಂಟು ನಕ್ಷತ್ರಗಳಲ್ಲಿ ಕನ್ಯೆಅಥವಾ ವರ ಈ ಇಬ್ಬರ ಪೈಕಿ ಒಬ್ಬರು ಜನಿಸಿದ್ದರೆ ನಾಡಿ ದೋಷವಿಲ್ಲ. ಇದು ಶುಭ ಫಲದಾಯಕವಾಗುವುದು.

[ಉ] ಉತ್ತರಾಭದ್ರಾ,ರೇವತಿ,ರೋಹಿಣಿ,ವಿಶಾಖಾ,ಶ್ರವಣ,ಆರ್ದ್ರಾ,ಪುಷ್ಯ,ಮಘಾ-ಈ ಎಂಟು ನಕ್ಷತ್ರಗಳಲ್ಲಿ ವರ ಅಥವಾ ಕನ್ಯೆಯ ಜನ್ಮ ನಕ್ಷತ್ರವಿದ್ದರೆ ನಾಡಿ ದೋಷ ಶಾಂತವಾಗುತ್ತದೆ ಎಂಬುದು ಕೆಲವು ಶಾಸ್ತ್ರಕಾರರ ಮತ.

[ಊ] ಭರಣಿ,ಮೃಗಶಿರಾ,ಶತಭಿಷ, ಹಸ್ತಾ ,ಪೂರ್ವಾಷಾಢ ಮತ್ತು ಆಶ್ಲೇಷ ನಕ್ಷತ್ರಗಳಲ್ಲಿ ಜನಿಸಿದರೂ ನಾಡಿ ದೋಷವಿರುವುದಿಲ್ಲವೆಂಬುದು ಕಾಲಾಮೃತಕಾರರ ಮತ.

  ಟಿಪ್ಪಣಿ:-ಈ ರೀತಿಯಾಗಿ ನಕ್ಷ್ತ್ರಗಳ ಆಧಾರದಿಂದ ಏಕನಾಡಿ ದೋಷವಿಲ್ಲವೆಂದು ಪರಿಗಣಿಸಲಾಗಿರುವ ಅಪವಾದಗಳ ಆಧಾರದಲ್ಲಿ ನಾಡಿ ಕೂಟವನ್ನು ಶುಭವೆಂದು ನಿರ್ಧರಿಸುವುದು ರೂಢಿಯಲ್ಲಿರುವ ನಿಯಮಗಳಿಗೆ ವಿರುಧ್ಧವಾಗಿರುವುದರಿಂದ ರೂಢಿಯಲ್ಲಿರುವ ನಿಯಮಗಳನ್ನು ಅನುಸರಿಸುವುದು ಉತ್ತಮವೆಂದು ಕೆಅವು ಶಾಸ್ತ್ರಕಾರರ ಅಭಿಮತವಾಗಿದೆ.

                ಸ್ತ್ರೀಪೂರ್ವ ನಕ್ಷತ್ರ ದೋಷಗಳಿಗೆ ಅಪವಾದಗಳು

 ೧ ಅಶ್ವಿನಿ,ಕೃತ್ತಿಕಾ,ರೋಹಿಣಿ,ಮೃಗಶಿರಾ, ಆರ್ದ್ರಾ,
ಮಘಾ, ಹಸ್ತ,ಸ್ವಾತಿ,ವಿಶಾಖಾ,ಮೂಲಾ, ಪೂರ್ವಾಷಾಢ,ಉತ್ತರಾಷಾಢ, ಶತಭಿಷಾ ಈನಕ್ಷತ್ರಗಳಲ್ಲಿ ಕನ್ಯೆಯದು ಪೂರ್ವ ಪಾದವಾಗಿ ವರನದು ಮುಂದಿನ ಪಾದವಾಗಿ ಇದ್ದರೂ ,ಕನ್ಯಾವರರ ರಾಶಿಗಳು ಒಂದೇ ಆಗಿದ್ದಲ್ಲಿ ಸ್ತ್ರೀಪೂರ್ವ ನಕ್ಷತ್ರ ದೋಷವಿಲ್ಲ.

 ೨ ಅಶ್ವಿನಿ,ಕೃತ್ತಿಕಾ, ರೋಹಿಣಿ,ಮೃಗಶಿರಾ,ಪುನರ್ವಸು, ಹಸ್ತಾ,ವಿಶಾಖಾ, ಅನುರಾಧ,ಮೂಲಾ,ಪೂರ್ವಾಷಾಢ, ಶತಭಿಷಾ ಇವುಗಳು ವರನ ಜನ್ಮ ನಕ್ಷತ್ರವಾಗಿದ್ದು, ಇವುಗಳ ಹಿಂದಿನ ನಕ್ಷತ್ರವು ಕನ್ಯೆಯ ಜನ್ಮ ನಕ್ಷತ್ರವಾಗಿದ್ದಲ್ಲಿ ಸ್ತ್ರೀ ಪೂರ್ವ ನಕ್ಷತ್ರ ದೋಷವಿರುವುದಿಲ್ಲ.

 ವರ್ಜ್ಯ ನಕ್ಷತ್ರಗಳು:-ಸ್ತ್ರೀ ಪೂರ್ವ ನಕ್ಷತ್ರಗಳಲ್ಲಿ ಕನ್ಯಾವರರ ನಕ್ಷತ್ರಗಳು ಬೇರೆ ಬೇರೆ ರಾಶಿಯಲ್ಲಿದ್ದರೂ ಸಹಾ ಭರಣಿ,ಆಶ್ಲೇಷಾ,ಹುಬ್ಬಾ[ಪೂರ್ವಾ ಫಲ್ಗುಣ],ಜ್ಯೇಷ್ಠಾ,ಧನಿಷ್ಠಾ,ಪೂರ್ವಾಭದ್ರ,ಉತ್ತರಾಭದ್ರ,ರೇವತಿ ಈ ನಕ್ಷತ್ರಗಳು ಕನ್ಯೆಯ ಜನ್ಮ ನಕ್ಷತ್ರಗಳಾಗಿದ್ದಲ್ಲಿ ಸರ್ವಥಾ ನಿಷಿಧ್ಧ ಎಂಬುದು ಅನೇಕ ಋಷಿಗಳ ಅಭಿಮತವಿದೆ.

  ಟಿಪ್ಪಣಿ:-ಸ್ತ್ರೀ ಪೂರ್ವ ನಕ್ಷತ್ರ ವಿಚಾರವು ಕನ್ಯಾವರರ ಜನ್ಮ ನಕ್ಷತ್ರಕ್ಕೆ ಮಾತ್ರಾ ಅನ್ವಯಿಸುತ್ತದೆಯೇ ಹೊರತು ನಾಮ ನಕ್ಷತ್ರಗಳಿಗಲ್ಲ.